මෙරට නිල විදෙස් සංචිත ජූලි මාසයේ දී ඇමරිකානු ඩොලර් මිලියන 6,591ක් ලෙස සටහන්ව ඇති බව ශ්රී ලංකා මහ බැංකුව පවසනවා.
ඒ, අනුව එය පසුගිය ජුනි මාසයට සාපේක්ෂව ජූලි මාසයේ නිල විදෙස් සංචිතවල දී සුළු වැඩිවීමක් පෙන්නුම් කරන අතර, එය ජුනි මාසයට සාපේක්ෂව 2.017%ක වැඩි වීමක්.
පසුගිය ජුනි මාසයේ දී මෙරට විදෙස් සංචිත ප්රමාණය ඇමරිකානු ඩොලර් මිලියන 6,458ක් ලෙස සටහන් වී තිබුණා.
ඒ, අනුව ඩොලර් මිලියන 133ක ඉහළ යාමක් පෙන්නුම් කරන බවයි ශ්රී ලංකා මහ බැංකුව පවසන්නේ.
මේ අතර පසුගිය ජුනි මාසයට සාපේක්ෂව ජූලි මාසයේ මෙරට රන් සංචිත ඩොලර් මිලියනයකින් ඉහළ ගොස් තිබෙනවා.
.
ජුනි මාසයේදී රන් සංචිත ඩොලර් මිලියන 191ක් ලෙස සටහන්ව තිබූ අතර, එය ජූලි මාසයේ දී එය ඩොලර් මිලියන 192ක් දක්වා ඉහළ ගොස් ඇති බවයි මහ බැංකුව සඳහන් කරන්නේ.
