ශ්‍රී ලංකාව සහ ජපානය අතර පවතින දිගුකාලීන මිත්‍රත්වය තවදුරටත් තහවුරු කර ගැනීම වෙනුවෙන් ශ්‍රී ලාංකිකයින් සඳහා ජපන් භාෂාව හැදෑරීමට සහ එරට රැකියා අවස්ථා ලබාදීම සඳහා සහාය දක්වන බව ජපන් රජය ස්ථිර කර තිබෙනවා.
අද (02) ජනාධිපති කාර්‍යාලයේ දී ජනාධිපති අනුර කුමාර දිසානායක සහ මෙරට ජපන් තානාපති මිසුකොෂි හිදෙයාකි මහතා අතර පැවැත්වුණු හමුවකදියි මේ බව හෙළි වූයේ.
ශ්‍රී ලංකාවේ නව ජනාධිපතිවරයා ලෙස තේරී පත් වූ අනුර කුමාර දිසානායක මහතා වෙත සිය උණුසුම් සුබ පැතුම් පිළ්ඊගැන්වූ ජපාන තානාපතිවරයා, ජපානය සහ ශ්‍රී ලංකාව අතර පවතින දිගුකාලීන සබඳතා තවදුරටත් වැඩිදියුණු කිරීමට ජපානය කැපවී සිටින බවයි පැවසුවේ.
දෙරටම අන්‍යෝන්‍ය වශයෙන් උනන්දුවක් දක්වන ක්ෂේත්‍ර පිළිබඳව මෙහිදී දීර්ඝ වශයෙන් සාකච්ඡා කෙරුණා.
ඉදිරියේ දී ද දෙරට මිත්‍ර රාජ්‍යයන් ලෙස ඉතා සමීපව කටයුතු කිරීමටයි මෙහිදී එකඟතාව පළ කෙරුණේ.
