මෙරට ජීවත්වෙන ජනතාවගෙන් හතරෙන් තුනකට වාහන ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.
මෙය ඉතා බරපතළ ගැටළුවක් බවයි අද (31) මාධ්ය හමුවක් පවත්වමින් සභාපතිවරයා පැවසුවේ.
මේ තුළින් ඉන්ධන පරිභෝජනය මෙන්ම මාර්ග තදබදය ද ඉහළ යන බවයි සභාපතිවරයා පෙන්වා දෙන්නේ.
මේ හේතුවෙන් මෙරටට දරාගත නොහැකි තත්ත්වයක් මතුව ඇති බවයි ඔහු වැඩිදුරටත් සඳහන් කළේ.
තමා විසින් මේ දිනවල සිදුකරනු ලබන විශේෂිත සමීක්ෂණයකින් මේ බව තහවුරු වූ බවයි ලංකා පෞද්ගලික බස් හිමියන්ගේ සංගමයේ සභාපතිවරයා පැවසුවේ.
මේ අතර ගත වූ අවුරුදු එකහාමර තුළ මෙරට තුළ ලක්ෂ 07ක් වාහන අලුතින් ලියාපදිංචිකර ඇති බවයි ඔහු මෙහිදී සඳහන් කර සිටියේ.
