ශ්රී ලංකාවේ කාන්තාවක් පැයකට උපයන වැටුප එම කාර්යයේම නිරත වන පුරුෂයෙක් උපයන වැටුපට සාපේක්ෂව සියයට 27කින් අඩු බව නවතම පර්යේෂණයකින් අනාවරණ වී තිබෙනවා.
ජාත්යන්තර කම්කරු සංවිධානය නිකුත් කළ එම පර්යේෂණ වාර්තාවේ දැක්වෙන්නේ එම වෙනස ගෝලීය සාමාන්ය අගයටත් වඩා විශාල බවයි.
ශ්රී ලංකාවේ ස්ත්රී පුරුෂ වැටුප් පරතය පිළිබඳ ජාත්යන්තර කම්කරු සංවිධානය කළ පර්යේෂණයේ වාර්තාව පසුගියදා කොළඹ දී එළිදක්වනු ලැබුවා.
එම වාර්තාවට අනුව සියයට 27ක් වන මෙරට ස්ත්රී පුරුෂ වැටුප් පරතරයේ ප්රතිශතය පහළ මැදි ආදයම් ලබන සෙසු රටවල සාමාන්ය අගයට වඩා බෙහෙවින් වැඩි බව ජාත්යන්තර කම්කරු සංවිධානය පෙන්වා දෙනවා.
එහි ගෝලීය අගය වන සියයට 20 ට වඩා ද ශ්රී ලංකාවේ ස්ත්රී පුරුෂ වැටුප් පරතය ඉහළයි.
අවධිමත් ආර්ථික ක්ෂේත්රයේ රැකියාවේ නියුතු කාන්තාවන් සහ අඩු අධ්යාපන සුදුසුකම් සහිත කාන්තාවන් සැලකීමේ දී වැටුප් පරතරය ඉතා ඉහළ බව අදාළ වාර්තාවේ සඳහන්.
එම වාර්තාව වැඩිදුරටත් පවසන්නේ, ස්ත්රී පුරුෂ වැටුප් පරතරය කෙරහි, රැකියා කාර්යයන් සහ සේවා ස්ථාන ලක්ෂණවල දායක වුව ද, ශ්රී ලංකාව තුළ බොහෝ දුරට, පැහැදිලි කළ නොහැකි සහ වෙනස් කොට සැලකීම් හේතුවෙන් එම පරතරය නිර්මාණය වී ඇති බවයි.
මෙරට රැකියා නියුක්ත ජනගහනය මිලියන 8.2ක් වන අතර එහි කාන්තා නියෝජනය මිලියන 2.8ක් පමණක් වීම කැපීපෙනන කරුණක්.