ඇමරිකානු හිටපු ජනාධිපති ඩොනල්ඩ් ට්‍රම්ප්ට එරෙහිව අධිකරණයේ නඩු පැවරීමට තීරණය කර ඇති බව විදෙස් මාධ්‍ය ඊයේ වාර්තා කළා.
හිටපු ජනාධිපති ඩොනල්ඩ් ට්‍රම්ප් සහ ඔහුගේ දරුවන් තිදෙනෙකුට එරෙහිව මෙලෙස නඩු පැවරීමට කටයුතු කර ඇත්තේ නිව්යෝර්ක් හි නීතිපතිනී ලෙටිෂියා ජේම්ස් විසින් බවයි වැඩිදුරටත් තොරතුරු වාර්තා වුණේ.
ව්‍යාපාරික වංචාවක් සම්බන්ධයෙන් ඔවුන්ට විරුද්ධව මෙලෙස නඩු ගොනුකරන බවයි ඇය වැඩි දුරටත් පවසා ඇත්තේ.
ඩොනල්ඩ් ට්‍රම්ප් හිටපු ජනාධිපතිවරයා විසින් ධනවත් වීම සඳහා ගත් එම ක්‍රියාමාර්ග සඳහා වසර 10කට අධික කාලයක සිට ට්‍රම්ප් පදනමේ අරමුදල් වංචා සහගත ලෙස භාවිත කර ඇති බවයි වාර්තා වන්නේ.
කෙසේ වෙතත් මෙම නඩුව සම්බන්ධව අදහස් දක්වමින් ඩොනල්ඩ් ට්‍රම්ප් පවසා ඇත්තේ “මෙය තවත් මායාකාරී දඩයම් කිරීමක්”ලෙස මෙම චෝදනාව ප්‍රතික්ෂේප කරන බවයි.
වසර තුනක සිවිල් විමර්ශනයකින් පසුවයි, ප්‍රාන්තයේ ජ්‍යෙෂ්ඨතම නීතීඥවරිය වන නිව්යෝර්ක් නීතිපති ලෙටිෂියා ජේම්ස් විසින් මෙම නඩුව ඉදිරිපත් කර ඇත්තේ.
