මෙම වසරේ ජනවාරි පළමු වනදා සිට ඊයේ (05) දිනය දක්වා වූ දින 36ක කාලය තුළ විවිධ වූ රථවාහන වැරදි සම්බන්ධයෙන් 155,000කට විරුද්ධව අධිකරණයේ නඩු පවරා ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් පවසනවා.
පොලිස් මාධ්ය කොට්ඨාසයේ අද (06) කැඳවා තිබූ මාධ්ය හමුවක දී සහකාර පොලිස් අධිකාරීවරයා මේ බව සඳහන් කළා.
මේ අතර මෙරට තුළ අපරාධ සිදුකර විදේශ රටවල සැඟව සිටි සංවිධානාත්මක අපරාධකරුවන් තිදෙනෙක් මෙම වසරේ මේ දක්වා කාලය තුළ දිවයිනට ගෙන්වාගෙන ඇති බව ද ඔහු පැවසුවා.
එමෙන්ම විදේශ රටවල සැඟව සිටින තවත් සංවිධානාත්මක අපරාධකරුවන් 103 දෙනෙකු සඳහා රතු නිවේදන නිකුත් කර ඇති බව සඳහන් කළ මාධ්ය ප්රකාශක සහකාරවරයා, ඔවුන්ව ද කඩිනමින් දිවයිනට ගෙන්වා ගැනීමට එම විදෙස් රටවල් සමඟ කටයුතු කරන බවයි සඳහන් කර සිටියේ.
