පවතින කොවිඩ් තත්ත්වය හමුවේ මුව ආවරණ පළඳින ලෙස දැඩිව නිර්දේශ කරන බව සෞඛ්‍ය අමාත්‍යංශය දැනුම් දෙනවා.
ඒ, අනුව මහජනතාව ගෘහස්ථ පරිශ්‍රවල, පොදු ස්ථානවල සහ පොදු ප්‍රවාහන සේවා භාවිත කරන අවස්ථාවලදී මුව ආවරණ පැළඳිය යුතු බවයි සෞඛ්‍ය අමාත්‍යංශය සඳහන් කළේ.
එය නීතියක් වශයෙන් පැනවීමක් සිදු නොකළ ද සියලු ජනතාව මුව අවරණ පැළඳීම මෙම අවස්ථාවේ අත්‍යාවශ්‍ය බව එම අමාත්‍යංශය වැඩිදුරටත් දන්වා සිටිනවා.
මේ දිනවල මෙරටින් වාර්තා වන කොවිඩ් ආසාදිතයන් සංඛ්‍යාවේ වර්ධනයක් පෙන්නුම් කරනවා.
සෞඛ්‍ය අංශ දැනුම් දෙන්නේ මාස කිහිපයකට පසු මෙරටින් කොවිඩ් ආසාදිත මරණ ද වාර්තා වීම ද ඉහළ ගොස් ඇති බවයි.
