ඇහැළියගොඩ, පරකඩුව ප්‍රදේශයේ නිවසක ඇති වූ ආරවුලක් අතර තුර තුවාල ලැබූ පුද්ගලයෙක් ඇහැළියගොඩ රෝහලට ඇතුළත් කිරීමේ දී මියගොස් ඇති බව පොලිසිය පවසනවා.
ඊයේ (14) අලුයම් කාලයේ සිදු වූ මෙම සිද්ධියෙන් මියගොස් ඇත්තේ වයස අවුරුදු 73ක පුද්ගලයෙක්.
මියගිය පුද්ගලයා තම දියණිය සහ ඇයගේ සැමියා සමඟ අදාළ නිවසේ පදිංචිව සිටි ඇති අතර, දියණියගේ සැමියාගේ පළමු විවාහයේ දරුවෙකු ද ඔවුන් සමඟ නිවසේ පදිංචිව සිට ඇති බවයි පොලිසිය පැවසුවේ.
ඔහු විසින් පදිංචිව සිටින නිවසේ අයිතිය ඉල්ලා පියා සමඟ ආරවුලක් ඇති කරගෙන ඇති අතර, එම අවස්ථාවේ දී මරණකරු ආරවුල බේරීම සඳහා මැදිහත්ව තිබෙනවා.
ඒම අවස්ථාවේ දී මුණුබුරා විසින් ඔහුව තල්ලු කිරීමෙන් බිම ඇද වැටී තුවාල ලබා රෝහල් ගතකර ඇති බවයි වාර්තා වන්නේ.
රෝහල් ගතකර විටත් එම පුද්ගලයා මියගොස් සිට ඇති අතර, සිදුවීම සම්බන්ධව සැකකරු අත්අඩංගුවට ගැනීම සඳහා ඇහැළියගොඩ පොලීසිය වැඩිදුර විමර්ශන සිදුකරනු ලබනවා.
