මීළඟ G-20 සමුළුවේ සත්කාරකත්වය බ්‍රසීලයට

19 වන G-20 සමුළුවේ සත්කාරකත්වය බ්‍රසීලයට පිරිනැමීම නිල වශයෙන් අද (10) සිදුකෙරුණා.

ඒ, අනුව මෙවර එහි සභාපතිත්වය දැරූ ඉන්දීය අග්‍රාමාත්‍ය නරේන්ද්‍ර මෝදි විසින්, බ්‍රසීල ජනාධිපති ලූලා ද සිල්වා වෙත එහි සභාපතිත්වය මෙවර සමුළුවේ අවසන් දිනය වූ අද දිනයේ භාරදීමෙන් අනතුරුවයි.

මෙම වසරේ නොවැම්බර් දක්වා G-20 සමුළුවේ සභාපතිත්වය ඉන්දීය අග්‍රාමාත්‍යවරයා සතුව පවතින අතර, එළෙඹෙන දෙසැම්බර් පළමු වනදා සිට එය බ්‍රසීල ජනාධිපති ලූලා ද සිල්වා අතට පත්වනවා.

ඉන්දියාවේ සත්කාරකත්වය යටතේ නව දිල්ලි නුවර පැවති 18 වන G-20 සමුළුවේ දී G-20 නායකයින් විශේෂ කරුණු කිහිපයක් සම්බන්ධයෙන් සාකච්ඡා සිදුකරනු ලැබුවා.

ඒ අනුව, තිරසාර සංවර්ධනය සඳහා වූ 2030 න්‍යාය පත්‍රය සම්පූර්ණ හා ඵලදායී ලෙස ක්‍රියාත්මක කිරීම වේගවත් කිරීම.

අනාගත සෞඛ්‍ය හදිසි අවස්ථා සඳහා වඩා හොඳින් සූදානම් වීම සඳහා වෛද්‍ය ප්‍රතිවිරෝධතා සඳහා ප්‍රවේශය වැඩිදියුණු කිරීම සහ සංවර්ධනය වෙමින් පවතින රටවල වැඩි සැපයුම් සහ නිෂ්පාදන හැකියාවන් සඳහා පහසුකම් සැලසීම.

සංවර්ධනය වෙමින් පවතින රටවල ණය අවදානම් සඳහා කඩිනමින් සහ ඵලදායී ලෙස පිළියම් යෙදීමෙන් ඔරොත්තු දෙන වර්ධනයක් ප්‍රවර්ධනය කිරීම වැනි කරුණු ඒ අතර වනවා.

මෙවර සමුළුවේ දී අප්‍රිකානු සංගමයට G-20 නිල සාමාජිකත්වය ලබාදීම සිදුකළේ ඉන්දීය අග්‍රාමාත්‍ය නරේන්ද්‍ර මෝදිගේ මූලිකත්වයෙන්.

නවදිල්ලි නුවට පැවති 19 වන G-20 සමුළු සඳහා රුසියානු ජනාධිපතිවරයා සහ චීන ජනාධිපතිවරයා එක් වූයේ නැහැ.