වනඅලි රංචුවක් ගැටීමෙන් දුම්රිය ගමනාගමනයට බාධා එල්ල වූ මඩකලපුව – කොළඹ දුම්රිය මාර්ගයේ 141 වැනි සැතපුම ආසන්නයේ මාර්ගය යථා තත්ත්වයට පත් කර තිබෙනවා.
පෙරේදා (19) රාත්රී 11-12ත් අතර කාලයේ දී ගල් ඔය සහ මින්නේරිය දුම්රිය ස්ථාන අතර දී අටදෙනෙකුගෙන් යුත් අලි රංචුවක් මීනගයා ශීඝ්රගාමී දුම්රියේ ගැටීමෙන් මෙම අනතුර සිදු වුණා.
එම අනතුරින් වනඅලි හයදෙනෙකු ජීවිතක්ෂයට පත් වූ බවයි වනජීවී නිලධාරීන් පැවසුවේ.
තවත් දෙදෙනකු හට එම ස්ථානයේ සිට ම වනජීවී සහ පශු වෛද්ය නිලධාරීන් එක්ව ප්රතිකාර කටයුතු සිදු කළා.
මෙම අනතුරත් සමග මීනගයා දුම්රිය පීලිපැනීමකට ද ලක් වුණා.
අද (21) උදෑසන සිට යළිත් ගල් ඔය දුම්රිය ස්ථානයේ සිට මඩකලපුව බලා උදෑසන දුම්රිය ධාවන කටයුතු ආරම්භ වූ බවයි දුම්රිය දෙපාර්තමේන්තුව පැවසුවේ.
මියගිය වන අලින්ගේ මළසිරුරු අද දින ඉවත් කිරීමට වනජීවී නිලධාරීන් පියවර ගන්නා බව ද වාර්තා වුණා.
