මීගමුව බන්ධනාගාර සිද්ධිය සම්බන්ධයෙන් මීගමුව මහේස්ත්‍රාත් ශිලනි පෙරේරා මහත්මිය වෙත අද (07) පෙරවරුවේ කරුණු වාර්තා කර තිබෙනවා.
අපරාධ පරික්ෂණ දේපාර්තමේතුවේ ප්‍රධානී ෂානි අබේසේකර මහේස්ත්‍රාත් නිල කාමරයේ දී අදාළ කරුණු වාර්තා කිරිම සිදුකනු ලැබුවා.
මේ අතර මීගමුව මහේස්ත්‍රාත් ශිලනි පෙරේරා මහත්මිය අද (07) අලුයම 2.00 මීගමුව බන්ධනාගාරයට ගොස් ස්ථානීය පරීක්ෂණය සිදුකර තිබෙනවා.
මීගමුව බන්ධනාගාරයේ ඊයේ (06) ඇතිවූ ගැටුමේ දී මියගිය නිලධාරීන්ගේ සහ රැඳවියන්ගේ මරණ පරීක්ෂණ කටයුතු මීගමුව දිස්ත්‍රික් රෝහලේ දී මේ වනවිට ආරම්භ කර ඇති බවයි වාර්තා වුණේ.
මෙම සිද්ධියෙන් බන්ධනාගාර නිලධාරීන් 08 දෙනෙකු සහ රැඳවියන් 19 දෙනෙකු ජීවිතක්ෂයට පත් වුණා.
මේ අතර බන්ධාගාර තුළ ඇතිවූ ගැටුමෙන් මියගිය රැඳවියන් සම්බන්ධය තොරතුරු අපේක්ෂාවෙන් රැඳවියන්ගේ ඥාතීන් විශාල පිරිසක් මීගමුව දිස්ත්‍රික් රෝහල ඉදිරිපිට මේ වනවිටත් රැඳී සිටින බවයි වාර්තා වුණේ.
