රුපියල් මිලියන 43 කට අධික වටිනාකමින් යුත් කේරළ ගංජා තොගයක් සමඟ සැකකරුවෙකු උතුරු මුහුදේදී නාවික හමුදා අත්අඩංගුවට ගෙන තිබෙනවා.
නාවික හමුදාව, යාපනය උඩුත්තුරෙයි ප්‍රදේශයට ඔබ්බෙන් වූ මුහුදු ප්‍රදේශයේ ඊයේ (18) රාත්‍රී සිදු කළ විශේෂ සෝදිසි මෙහෙයුමකදී යි සැකකරු සහ කේරළ ගංජා තොගය හමුවී ඇත්තේ.
කිලෝ 130කට අධික තොගයක් රැගත් ඩිංගි යාත්‍රාවක් සමඟ සැකකරු මෙලෙස නාවික හමුදා භාරයට ගෙන ඇති අතර සැකකරු යාපනය උඩුත්තුරෙයි ප්‍රදේශයේ පදිංචිකරුවෙක් බව සඳහන්.
මුහුදු ප්‍රදේශයේ යාත්‍රා කරමින් තිබූ සැකකටයුතු ඩිංගි යාත්‍රාවක් නිරීක්‍ෂණය කර පරීක්‍ෂාවට ලක් කිරීමේදී, එම ඩිංගි යාත්‍රාවේ තිබී උර තුනක පාර්සල් 61ක අසුරන ලද, කේරළ ගංජා කිලෝ 130 ග්‍රෑම් හයසියයක පමණ තොගයක් මෙලෙස නාවික හමුදා භාරයට ගනු ලැබුවා.
සැකකරු කේරළ ගංජා තොගය සහ ඩිංගි යාත්‍රාව ඉදිරි නීතිමය කටයුතු සඳහා මරදන්කේනි පොලිසිය වෙත භාරදුන් බවයි නාවික හමුදාව සඳහන් කළේ.
