යාපනය, වෙත්තලකේනි මාමුනෙයි ප්රදේශයට ඔබ්බෙන් වූ මුහුදු ප්රදේශයේ අද උදෑසන සිදු කළ විශේෂ සෝදිසි මෙහෙයුමක් මඟින් එම මුහුදු ප්රදේශයේ පාවෙමින් තිබූ කේරළ ගංජා කිලෝග්රෑම් 128කට අධික තොගයක් නාවික හමුදා භාරයට ගෙන තිබෙනවා.
මාමුනෙයි නාවික අනුඛණ්ඩය මඟින් කුඩා යාත්රා යොදවා, මාමුනෙයි ඉදිරි මුහුදු ප්රදේශයේ අද උදෑසන කළ මෙම විශේෂ සෝදිසි මෙහෙයුමේදී, එම මුහුදු ප්රදේශයේ පාවෙමින් තිබූ සැකකටයුතු උර හතරක් නිරීක්ෂණය කර පරීක්ෂාවට ලක් කිරීමටයි නාවික හමුදාව පියවර ගෙන ඇත්තේ.
එහිදී, එම උර තුල පාර්සල් 53ක අසුරා තිබූ කේරළ ගංජා කිලෝ 128 ග්රෑම් 100 ක පමණ තොගයක් මෙලෙස නාවික හමුදා භාරයට ගෙන තිබෙනවා.
නාවික හමුදාව විසින් සිදුකරනු ලබන නිරන්තර සෝදිසි මෙහෙයුම් හේතුවෙන් ගොඩබිමට රැගෙන ඒමට නොහැකිව ජාවාරම්කරුවන් විසින් මුහුදේ අතහැර දමා යන්නට ඇතැයි සැකකෙරෙන මෙම කේරළ ගංජා තොගයේ දළ වීථි වටිනාකම රුපියල් මිලියන 42කට අධික බවටයි සැලකෙන්නේ.
නාවික හමුදාව භාරයට ගත් මෙම කේරළ ගංජා තොගය, ඉදිරි නීතිමය කටයුතු සඳහා ඉදිරිපත් කරන තෙක් නාවික හමුදා භාරයේ තබා තිබෙනවා.
