නාවික හමුදාව, යුද හමුදාව සහ පොලිස් විශේෂ කාර්ය බලකාය එක්ව යාපනය, වල්ලිපුරම් වෙරළ ප්‍රදේශයේ සිදු කළ ඒකාබද්ධ සෝදිසි මෙහෙයුමකදී, ළඳු කැලෑවක සඟවා තිබූ කේරළ ගංජා කිලෝ 84කට අධික තොගයක් සිය භාරයට ගෙන තිබෙනවා.
උතුරු නාවික විධානයේ පේදුරුතුඩුව නාවික ස්ථානගතකිරීම, යුද හමුදා බුද්ධි අංශය (SLA MIC Staff) සහ නෙල්ලියඩි පොලිස් විශේෂ කාර්ය බලකාය එක්වයි ඊයේ (08) මෙම ඒකාබද්ධ සෝදිසි මෙහෙයුම සිදු කර ඇත්තේ.
එහිදී ළඳු කැලෑවක සඟවා තිබූ සැකකටයුතු උර 3ක් පරීක්ෂා කෙරුණු අතර එහිදී එම උර තුළ පාර්සල් 40ක අසුරන ලද කේරළ ගංජා කිලෝ 84යි ග්‍රෑම් 600ක පමණ තොගයක් මෙලෙස අත්අඩංගුවට ගනු ලැබුවා.
මෙම මෙහෙයුම මඟින් අත්අඩංගුවට ගත් කේරළ ගංජා තොගයේ දළ වීථි වටිනාකම රුපියල් මිලියන 33කට අධික වෙතැයි විශ්වාස කෙරෙන අතර, එම කේරළ ගංජා තොගය ඉදිරි නීතිමය කටයුතු සඳහා පේදුරුතුඩුව පොලිසිය වෙත භාරදී තිබෙනවා.
