මන්නාරම ඉලුප්පුකඩවායි කළපු ප්රදේශයේ සිදු කළ විශේෂ සෝදිසි මෙහෙයුමකදී කේරළ ගංජා කිලෝ 92කට අධික තොගයක් නාවික හමුදා භාරයට ගෙන තිබෙනවා.
උතුරු මැද නාවික විධානයට අයත් බුවනෙක සහ ගජබා යන නෞකා පසුගිය 30 වනදා ඉලුප්පුකඩවායි කලපු ප්රදේශයේ සිදු කළ විශේෂ සෝදිසි මෙහෙයුමකදී යි මෙම ගංජා තොගය සොයා ගැනුනේ.
එම ප්රදේශයේ ළඳු කැළෑවක සූක්ෂම ලෙස සඟවා තිබූ ගෝනි උර තුනක් නාවික හමුදාව පරීක්ෂාවට ලක් කළ අතර එම උර තුළ පාර්සල් 42ක අසුරන ලද කේරළ ගංජා කිලෝ 92 ග්රෑම් 250ක පමණ තොගයක් මෙලෙස නාවික හමුදා භාරයට ගනු ලැබුවා.
මෙම මෙහෙයුම මඟින් නාවික හමුදා භාරයට ගත් කේරළ ගංජා තොගයේ වටිනාකම රුපියල් මිලියන 30කට අධික වෙතැයි විශ්වාස කරන අතර, ඒවා ඉදිරි නීතිමය කටයුතු සඳහා යොමු කරන තෙක් නාවික හමුදා භාරයේ තබා තිබෙනවා.
