වෙත්තලකේනි කඩෙයිකාඩු වෙරළ ප්‍රදේශයේ සිදු කළ විශේෂ සෝදිසි මෙහෙයුමකදී, කේරළ ගංජා කිලෝග්‍රෑම් 53කට අධික තොගයක් නාවික හමුදා භාරයට ගෙන තිබෙනවා.
උතුරු නාවික විධානයේ වෙත්තලකේනි ආයතනය මඟිනුයි ඊයේ (05) දින සවස් කාලයේ වෙත්තලකේනි කඩෙයිකාඩු වෙරළ ප්‍රදේශයේ මෙම විශේෂ සෝදිසි මෙහෙයුම සිදු කර ඇත්තේ.
එම වෙරළ ප්‍රදේශයේ සඟවා තිබූ පාර්සල් 15ක අසුරන ලද කේරළ ගංජා කිලෝ 53යි ග්‍රෑම් අටසියයක 800ක පමණ තොගයක් මෙලෙස නාවික හමුදා භාරයට ගනු ලැබුවා.
ගංජා තොගයේ දළ වීථි වටිනාකම රුපියල් මිලියන 21කටඅධික වෙතැයි විශ්වාස කෙරෙන අතර, එම කේරළ ගංජා තොගය ඉදිරි නීතිමය කටයුතු සඳහා භාරදෙන තෙක් නාවික හමුදා භාරයේ තබා තිබෙනවා.
