මියන්මාරයේ සිට පැමිණි යාත්‍රාවක සිටි සරණාගතයින් 115 දෙනෙකු මුලතිව් වෙරළට ඔබ්බෙන් වූ මුහුදේ දී ශ්‍රී ලංකා නාවික හමුදාව විසින් පසුගිය දා බේරාගත්තා.
එලෙස බේරාගත් මියන්මාර සරණාගතයින් පිරිස අධිකරණය ඉදිරිපත් කිරීමෙන් පසු යාත්‍රාවේ කාර්යය මණ්ඩලයේ 12 දෙනෙකු රක්ෂිත බන්ධනාගාර ගත කෙරුණා.
අනෙකුත් සරණාගතයින් පිරිස මුලතිව් ගුවන් හමුදා කඳවුරේ මේ වනවිට රඳවා සිටිනවා.
එලෙස රඳවා සිටින මියන්මාර සරණාගතයින්ගේ තත්ත්වය පිළිබඳව සොයාබැලීම සඳහා ඔවුන් හමුවීමට අවසර ලබාදෙන ලෙස ශ්‍රී ලංකා මානව හිමිකම් කොමිසන් සභාව ජනාධිපතිවරයාගෙන් ඉල්ලීමක් කර තිබෙනවා.
ඒ, මානව හිමිකම් කොමිෂන් සභාවේ සභාපති විනිසුරු එල්. ටී. බී දෙහිදෙණියගේ අත්සනින් යුතුව ලිපියක් ජනාධිපති අනුර කුමාර දිසානායක වෙත යොමුකරමින්.
මානව හිමිකම් කොමිෂන් සභාව ජනාධිපතිවරයාට යොමුකළ ලිපිය මෙතැනින්.
