ඊයේ (16) රාත්රියේ මිනුවන්ගොඩ, බොරගොඩවත්ත ප්රදේශයේ දී වෙඩි තබා ඝාතනය කළ මනික්කුගේ ප්රභාත් ප්රියංකර හෙවත් ‘චන්දු’ නැමැත්තා මත්ද්රව්ය ජාවාරම්කරුවෙකු බවට අනාවරණය වී ඇති බව ආරංචි මාර්ග සඳහන් කරනවා.
මෙම පුද්ගලයා ඩුබායි හි සිටින ජාවාරම්කරුවෙකු වන මිනුවන්ගොඩ හීනටියන මහේෂ් නැමැත්තාගේ ගෝලයෙකු බවටයි මේ වනවිට තොරතුරු අනාවරණය වී ඇත්තේ.
ඊයේ රාත්රියේ මෙලෙස ඝාතනයට ලක් වූ ‘චන්දු’ නැමැත්තා මත්ද්රව්ය සම්බන්ධ නඩුවකින් රිමාන්ඩ් බන්ධනාගාරගතව සිට ඇප මත නිදහස්ව සිටි අයෙක් බවයි තොරතුරු වාර්තා වන්නේ.
30 හැවිරිදි වියේ පසු වූ මොහු විවාහයෙන් වෙන් වී සිය මව සමඟ ආඬිඅම්බලම, පීල්ලවත්ත ප්රදේශයේ පදිංචිව සිට ඇති බව සඳහන්.
මෙම පුද්ගලයාට ඝාතනයට ලක්වූ ස්ථානයට පැමිණෙන ලෙස සිදුකර තිබූ දැනුම්දීමකට අනුව ඔහු එම ස්ථානයට යතුරුපැදියකින් ගිය පසු, එම ස්ථානයේ සැඟව සිට ඇති ඝාතකයින් ඔහුට වෙඩි තබා පලාගොස් ඇති බවයි මූලික විමර්ශනවලදී අනාවරණය වී ඇත්තේ.
පොලිසිය පවසන්නේ මෙම ඝාතනය සඳහා මිලිමීටර් 09 වර්ගයේ ගිනි අවියක් භාවිත කර ඇති බවයි.
ඝාතනය සම්බන්ධයෙන් මහේස්ත්රාත් පරීක්ෂණය සිදුකිරීමට නියමිතව ඇති අතර, පෑලියගොඩ බස්නාහිර පළාත උතුර අපරාධ විමර්ශන කොට්ඨාසය සහ ගම්පහ-මිනුවන්ගොඩ පොලිස් ස්ථාන එක්ව වැඩිදුර විමර්ශන සිදුකරනු ලබනවා.
