මිනිසෙක්; අඩි 20ක් පමණ දිග කිඹුලෙකු තම උරමතින් රැගෙන යන අයුරු දැක්වෙන වීඩියෝවක් මේ වනවිට සමාජ මාධ්‍ය හරහා හුවමාරු වනවා.
ඉන්දියාවේ උත්තර් ප්‍රදේශ් ප්‍රාන්තයේ පුද්ගලයෙක් විසින් මෙලෙස කිඹුලෙක්ව තම උරමතින් රැගෙන ගොස් ඇති අතර, මෙම සත්වයාගෙන් සති කිහිපයක පමණ සිට පෞතියකුර්ද් නැමැති ප්‍රදේශයේ ජනතාවට මහත් පීඩාවක් ගෙන දී ඇති බවයි වාර්තා වන්නේ.
කිඹුලා සම්බන්ධයෙන් ප්‍රදේශවාසීන්ගේ ලැබුණු පැමිණිලි මත වනජීවී නිලධාරින් දින කිහිපයක් පුරා සිදුකළ මෙහෙයුමකින් පසු එම සත්වයාව අල්ලාගැනීමට හැකිව තිබෙනවා.
ගම්වාසීන්ගේ සහයෝගය ඇතිව අල්ලාගත් කිඹුලා වෙනත් ස්ථානයකට රැගෙන යාම සඳහා අදාළ පුද්ගලයා විසින් මෙලෙස එම සතවයා තම උරමතින් රැගෙන ගොස් ඇති බවයි වාර්තා වන්නේ.
අල්ලාගත් කිලෝ 150ක් පමණ බරකින් යුත් මෙම කිඹුලාගේ කට සහ දෑත් දෙපා රෙදි කැබලිවලින් ගැට ගැසීමෙන් අනතුරුව මෙලෙස අදාළ පුද්ගලයා එම සතවයාව උරමත තබාගෙන රැගෙන ගොස් තිබෙනවා.
ඉන්දීය මාධ්‍ය වාර්තා කළේ මේ ආකාරයෙන් සජීවී විශාල කිඹුලෙක් තම බාහුමත තබාගෙන රැගෙන ගොස් ඇත්තේ මෙහෙයුමට ආ වනජීවී නිලධාරියෙක් බවයි.
