තායිලන්තයේ රැකියා ලබාදෙන බව පවසා මෙරට පුද්ගලයින් සංචාරක වීසා මත ලාඕසයට රැගෙන ගොස් අතරමංකර මුදල් වංචා කළ පුද්ගලයෙක් විදේශ සේවා නියුක්ති කාර්යාංශයේ වැටලීම් අංශය මඟින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ කේ. රුවන් පතිරණ නැමැති අයෙක් වන අතර, මීට සම්බන්ධ තවත් අයෙක් පලා ගොස් ඇති බව විදේශසේවා නීළධාරින් සඳහන් කළා.
ඔහුව අත්අඩංගුවට ගැනීමට මේ වනවිට විමර්ශන ආරම්භකර තිබෙනවා.
ඔහු මෙවර පළත්පාලන මැතිවරණය සඳහා ජාතික ජනබලවේගයේ අපේක්ෂකයෙකු ලෙස ඉදිරිපත්ව සිටින අයෙක් බවයි වාර්තා වන්නේ.
අත්අඩංගුවට ගත් මෙම පුද්ගලයා අම්බලන්තොට, නෝනාගම, වැලිපටන්විල ප්‍රදේශයේ පදිංචි අයෙක් බව සඳහන්.
අත්අඩංගුවට ගත් සැකකරු අද (06) හම්බන්තොට දිසා මහේස්ත්‍රාත් අධිකරණයට ඉදිරිපත් කිරිමෙන් අනතුරුව පෙබරවාරි 20 දින දක්වා රක්ෂිත බන්ධනාගාර කිරීමටයි නියෝග කර ඇත්තේ.
එහිදී සැකකරුට අධිකරණය විසින් නියෝග කර ඇත්තේ ලාඕසයේ අතරමංව සිටිනා ශ්‍රි ලාංකිකයින් වහාම ලංකාවට ගෙන ඒමට කටයුතු කරන ලෙසයි.
මොහු විසින් එම පුද්ගලයින්ගෙන් රුපියල් ලක්ෂ 19ක පමණ මුදක් වංචා කර ඇති බවට කරුණු අනාවරණය වී ඇති අතර, මීට සම්බන්ධ තවත් අයෙක් පලා ගොස් ඇති බව විදේශසේවා නීළධාරින් සඳහන් කළා.
