සෞදි අරාබියේ ජසාන් කලාපයේදී දේශසීමා ආරක්ෂක නීති උල්ලංඝනය කරමින් ඉතියෝපියානු ජාතිකයන් 15 දෙනෙක් ප්‍රවාහනය කරමින් සිටි පාකිස්තාන ජාතිකයෙකු සෞදි බලධාරීන් අත්අඩංගුවට ගෙන තිබෙනවා.
සෞදි මුජාහිදීන් සාමාන්‍ය පරිපාලනයට අනුබද්ධ මුර සංචාරක කණ්ඩායම් විසින් සැකකරු අත්අඩංගුවට ගෙන ඇත.
නීතිවිරෝධී ලෙස රට තුළ රැඳී සිටි ඉතියෝපියානු ජාතිකයන් 15 දෙනාද අදාළ බලධාරීන් වෙත භාර දී තිබුණා.
සෞදි මුජාහිදීන් ප්‍රකාශකයා අවධාරණය කළේ දේශසීමා ආරක්ෂක නීති උල්ලංඝනය කළ පුද්ගලයන්ට රට තුළ ඇතුළුවීමට පහසුකම් සැලසීම, ඔවුන් ප්‍රවාහනය කිරීම, රැකවරණය ලබාදීම හෝ වෙනත් ආකාරයක සහාය ලබාදීම බරපතළ අපරාධයක් ලෙස සැලකෙන බවයි.
එවැනි වරදකට වසර 15ක් දක්වා සිරදඬුවම්, සෞදි රියාල් මිලියනයක් දක්වා දඩයක්, ප්‍රවාහනය සඳහා යොදාගත් වාහනය රාජසන්තක කිරීම සහ වරදකරුවන්ගේ නම් දේශීය මාධ්‍යවල ප්‍රසිද්ධ කිරීම ඇතුළු දඬුවම් නියම කළ හැකි බවද ඔහු සඳහන් කළා.
නේවාසික, කම්කරු සහ දේශසීමා ආරක්ෂක නීති උල්ලංඝනය කිරීම් පිළිබඳ තොරතුරු වාර්තා කරන ලෙසද බලධාරීන් ඉල්ලීමක් කර තිබෙනවා.
