2025 මැයි මස 23 වැනි දින පස්වරුවේ සිට Michelin Lanka පෞද්ගලික කර්මාන්ත ශාලාවේ සේවක පිරිසක් විසින් ව්යාපාරය ඉදිරියට පවත්වාගෙන යාමට බලපෑම් ඇති කරන ආකාරයෙන් කටයුතු සිදු කර ඇති බව වාර්තා වනවා.
මිදිගම පිහිටි මෙම කර්මාන්ත ශාලාවේ සේවකයින් විසින් සියැට් (CEAT) සමූහයේ රැකියා සඳහා සියැට් සමූහයට මාරුවන සියලු සාමාජිකයින් සමගින් විවෘත ව සාකච්ඡා කිරීමට තම සමාගම කැප වී සිටින බවයි Michelin Lanka සමාගම නිවේදනයක් නිකුත් කරමින් සඳහන් කළේ.
ගෝලීය පාරිභෝගිකයින් වෙත අඛණ්ඩ ව නිෂ්පාදන හා සේවා සැපයීම සඳහා කාර්මික සමගිය මනාව තිබිය යුතු බැවින් මෙකී අවාසනාවන්ත සිදුවීම හේතුවෙන් ඇති වූ දුෂ්කරතාව පිළිබඳ ව Michelin Lanka සමාගම සිය කනගාටුව පළ කර සිටිනවා.
මිචලින් හා සියැට් සමාගම් අතර වන එකඟතා ගිවිසුම තුළින් රැකියා මාරුවීම් සිදු කරන සියලු සාමාජිකයින්ගේ රැකියා සුරක්ෂිතභාවය සහ ඔවුන්ගේ ජ්යේෂ්ඨත්වය ඒ අයුරින් ම ඉදිරියට පවත්වාගෙන යාමට සියැට් සමූහය කටයුතු කරන බව මිචලින් ලංකා ලෙස නැවත නැවතත් අදාළ සමාගම සිය නිවේදනයේ අවධාරණය කරනවා.
මෙම හුවමාරුවේ දී රැකියා වෙළෙඳපොළේ ප්රමිතීන් හා සැසඳීමේ දී සැලකිය යුතු ආකාරයේ ඉහළ වැටුප් හා ප්රතිලාභ පැකේජ ඇතුළු වෘත්තීය නියමයන් හා කොන්දේසි පවත්වාගෙන යාමට කටයුතු කරනු ඇති.
එක එකාගේ දේශපාලන උවමනාකම් මත වෘත්තීය සමිති පඩංගු එලපු හැම කාලකණ්ණියාම මේ තත්වයට වග කියන්න ඕන. factory එකක් ලාබනම් කවදාවත් විකුණන්නේ නෑ. factory එකක් පාඩු ලබන්න 75% සේවකයින් වග කියන්න ඕන.