මැදිරි මග දමා එන්ජිම ගමන යයි

ගාල්ල සිට මරදාන බලා ධාවනය වූ සමුද්‍රදේවි දුම්රියේ එන්ජිම උතුරු කළුතර ප්‍රදේශයේ දී අද උදෑසන මැදිරිවලින් වෙන්වී කිලෝ මීටරයක පමණ දුරක් ධාවනය වී තිබෙනවා.

උතුරු කළුතර සහ නොම්මර 1 දුම්රිය ස්ථාන අතර මාර්ගයේ දී මෙය සිදුවී ඇති බවයි දුම්රිය බලධාරීන් සඳහන් කළේ.

නියාමක මැදිරියේ අසලින් දුම්රිය එන්ජිම වෙන්වී ඇතැයි අනාවරණය වී තිබෙනවා.

විනාඩි 15ක පමණ කාලයකින් පසු යළිත් දුම්රිය එන්ජිම සවිකිරිමෙන් පසු එම දුම්රිය මරදාන බලා ධාවනය කිරීමට කටයුතු කළ බව දුම්රිය දෙපාර්තමේන්තුව සඳහන් කළා.