ලෝක බලවතෙකු වන රුසියාව මෙවර චීනයේ පැවැත්වෙන ලෝක නායක සමුළුවට එක් ව සිටියා.
එම සමුළුවට එක් වෙමින්; රුසියානු ජනාධිපති ව්ලැද්මීර් පුටින් පැවසුවේ මැදපෙරදිග පවතින යුද වාතාවරණය මත ඉදිරියේ දී නව ලෝක බලවතුන්ගේ පිළිවෙළක් ගොඩනැගීමේ දී සිය සහාය චීන ජනපති ෂී ජින්ග් පින්ග් හට හිමිවනු ඇති බවයි.
මෙම සමුළුව අමතමින් චීන ජනාධිපතිවරයා ඉදිරියේ දී නව ලෝක බලවතුන්ගේ පිළිවෙළක් ගොඩනැගීමේ අවශ්යතාව ද මතු කලා.
ඊට පිළිතුරු වශයෙනුයි රුසියානු ජනාධිපතිවරයා ඉහත ප්රකාශය සිදු කර ඇත්තේ.
පුටින් මෙම සමුළුවේ දී චීන ජනපතිගේ විදේශ ප්රතිපත්තිය සහ සාධාරණ බහුපාර්ශ්වීය ලෝක බලවතුන් ගොඩනැගීම සඳහා වන අරමුණ දැඩි ලෙස ප්රශංසාවට ලක් කෙරුණා.
රුසියාව සහ චීනය සෑම විට ම සමාන සහ අන්යෝන්ය වශයෙන් සහයෝගීතාව සඳහා පෙළ ගැසී සිටින අතර, එය ශිෂ්ටාචාර සහ එහි විවිධත්වයට සෑම රාජ්යයකට ම තම තමන්ගේ සංවර්ධන ආකෘති සඳහා ඇති අයිතියට ගරු කරන රාජ්යයන් බවයි.
මෙහිදී මේ දිනවල ගෝලීය වශයෙන් දැඩි කතාබහක් මතු කර තිබෙන හමාස් – ඊශ්රායල යුද අර්බුදය සම්බන්ධයෙන් ද සාකච්ඡා කෙරුණා.
“ජාත්යන්තර සහයෝගීතාව සඳහා නව රාමුවක් ස්ථාපිත කළ ෂී ජින්ග් හට රුසියානු ජනාධිපතිවරයා යළි යළිත් ස්තුතිය පළ කරමින්, සිය අවධානය මැදපෙරදිග යුද්ධය සඳහා ද යොමු කළා.
පුළුල් කලාපීය ගැටුමක් දක්වා වර්ධනය වීමට තර්ජනය කරන මැදපෙරදිග යුද සෙවණැල්ලක් යටතේ මෙම රැස්වීම සිදු වූ බවත්, ලෝක බලවතුන් අතරේ ගැඹුරු මතගැටුම් සහ බෙදීම් ගැන ද පුටින් මෙහිදී අදහස් පළ කළා.
දකුණු ගෝලීය රාජ්යයන්හි නායකයින් මේ දිනවල චීන අගනුවරට රැස් ව සිටියදී, ඉස්ලාමීය සටන්කාමී කණ්ඩායමක් වන හමාස් තුරන් කිරීමට අමෙරිකාව ප්රතිඥා දී ඇති පසුබිමකයි අමෙරිකානු ජනපති බයිඩ්න් පවා අද දිනයේ දී ඊශ්රායලයට පැමිණියේ.
කෙසේවෙතත් රුසියාව සහ චීනය හමාස් සංවිධානයෙන් සහ ඊශ්රායලයෙන් සටන් විරාමයක් ඉල්ලා ඇති අතර, එය මේ වනවිට ප්රතික්ෂේප වී තිබෙනවා.
ඒ ඊශ්රායලයට යුරෝපයේ බොහෝ රාජ්යය නායකයින්ගේ නොමසුරු සහාය ලැබෙන මොහොතකදී වීම ද විශේෂත්වයක්.
කෙසේවෙතත් චීනය සහ රුසියාව ඊශ්රායලයේ ක්රියාකාරකම් විවේචනය කරන්නේ, බටහිර රටවල් සමග ඔවුන්ගේ ඇති සබඳතා විරසක වීම් ඇති වීම තුළ දී ය.
