බංග්ලාදේශයේ වහාම පාර්ලිමේන්තු මැතිවරණයක් කැඳවන්නැයි එක්සත් ජාතීන්ගේ මහලේකම් ඇන්ටෝනියෝ ගුටරෙස්, අන්තර්වාර රජයෙන් ඉල්ලා තිබෙනවා.
එක්සත් ජාතීන්ගේ ප්‍රධානියා වැඩිදුරටත් ඉල්ලා සිටින්නේ මැතිවරණ ක්‍රියාවලියට කාන්තාවන් මෙන්ම සුළුතර ප්‍රජාවන් ද ඇතුළත් කරන ලෙසයි.
“අන්තර්කාලීන රජයේ සහාය ඇතිව බංග්ලාදේශයේ සන්සුන්ව හා පාර්ලිමේන්තු මැතිවරණයක් සංවිධානය කිරීමට දරන උත්සාහයන් මහලේකම්වරයා සාදරයෙන් පිළිගනී” යනුවෙන් මහලේකම්වරයාගේ නියෝජ්‍ය ප්‍රකාශක ෆර්හාන් හක් විසින් නිකුත් කරන ලද නිවේදනයක සඳහන් වුණා.
“රට පුරා සිටින කාන්තාවන්, තරුණයින් සහ ජනතාවගේ මෙන්ම සුළුතර සහ ආදිවාසී ප්‍රජාවන්ගේ හඬ ද සැලකිල්ලට ගැනීම ඇතුළුව සියලු දෙනා ඇතුළත් කිරීමට සෑම උත්සාහයක්ම ගන්නා ලෙස ඔහු අන්තර්වාර රජයෙන් ඉල්ලා සිටී.,” අදාල නිවේදනයේ වැඩිදුරටත් සඳහන්.
පසුගිය අගෝස්තු 5 වැනි දා, විරෝධතා මධ්‍යයේ ෂෙයික් හසීනා අගමැති ධූරයෙන් ඉල්ලා අස්වීමෙන් පසු, බංග්ලාදේශය අස්ථාවර දේශපාලන තත්වයක් අත්විඳිමින් සිටිනවා.
