මැණික් ගල් 3ක් ලබාදෙන බව පවසා ව්‍යාපාරිකයෙකුගෙන් මුදල් වංචා කළ කාන්තාවක් සහ ඇයගේ පුත්‍රයා පොලිස් අත්අඩංගුවට ගෙන තිබෙනවා.
ඊයේ දහවල් මහඔය 69 හන්දිය ප්‍රදේශයේදී සැකකාර කාන්තාව සහ ඇයගේ පුත්‍රයා අදාළ ව්‍යාපාරිකයාගෙන් රුපියල් ලක්ෂ 15ක මුදලක් කොල්ලකා ඇති බවටයි අනාවරණ වී ඇත්තේ.
මේ සම්බන්ධයෙන් මහඔය පොලිසියට ලැබුණු පැමිණිල්ලක් අනුව විමර්ශන සිදු කර අපරාධයට සම්බන්ධ සැකකරු සහ කොල්ලකන ලද මුදලින් රුපියල් 120000ක් ළග තබාගෙන සිටි සැකකරුගේ මව පොලිස් අත්අඩංගුවට ගෙන තිබෙනවා.
මෙම සැකකරු අවුරුදු 32ක් වයසැති පුද්ගලයෙක් වන අතර සැකකාර මව අවුරුදු 58ක කාන්තාවක්.
මෙම සැකකාර මව සහ පුත්‍රයා අද දෙහිඅත්තකණ්ඩිය මහේස්ත්‍රාත් අධිකරණයට ඉදිරිපත් කිරීමට නියමිතයි. මහඔය පොලිසිය පරීක්ෂණ සිදු කරනවා.
