මැණික් ගඟේ අංක 02 පාලම අසළ තොටුපලේ දිය නාමින් සිටිය දී හිමිනමක් ඊයේ (17) රාත්‍රියේ කිඹුලෙකු විසින් ඩැහැගෙන යාමට උත්සාහ කර ඇති බව වාර්තා වනවා.
ඊයේ (17) රාත්‍රී 8.00ට පමණ හිමිනම මෙම අනතුරට මුහුණ පා ඇති අතර, කිඹුලා සමඟ පොර බැඳීම හේතුවෙන් අදාළ හිමිනමට තුවාල සිදුව ඇති බවයි වාර්තා වන්නේ.
මෙහිදී තුවාල ලැබූ හිමිනම කතරගම රෝහල වෙත ඇතුළත් කර ඇති බව සඳහන්.
පානදුර ප්‍රදේශයේ සිට වන්දනාවේ පැමිණි හිමි නමක් මෙම අනතුරට මුහුණ පා ඇති බවයි වැඩිදුරටත් තොරතුරු වාර්තා වුණේ.
