මාලිමාවේ නායකයින්ට ජනක රත්නායකගෙන් යට ඇඳුම්

මෙරට තීරණාත්මක මැතිවරණ සමයක් අතරතුර දී යට ඇඳුම් සම්බන්ධ‍යෙන් වේදිකාව මත විහිළු සැපයූ ජාතික ජන බලවේග නායකයන් සඳහා යට ඇඳුම් සියල්ල නොමිලේ ලබාදීමට තමා සූදානම් බව ජනාධිපති අපේක්ෂක ජනක රත්නායක පවසනවා.

අද (08) දින මහනුවර දී මාධ්‍ය වෙත අදහස් දක්වමින් ඔහු මේ බව කියා සිටියා.

ජාතික ජන බලවේගයේ නායක අනුර කුමාර දිසානායකට කිසිඳු දිනක මෙරට ජනාධිපති විය නොහැකි බවත්, කෙටි කලක් හෝ ජනාධිපති වුවහොත් කිසිසේත්ම රට පාලනය කිරීමට නොහැකි බව ඔහු මෙහිදී පැවසුවේ.

මෙවර ජනාධිපතිවරණයට ඉදිරිපත් වන ජනාධිපති අපේක්ෂකයන්ගේ අඩුපාඩු හුවා දක්වමින් ඔහු පවසන්නේ, රාජ්‍ය සේවකයින්ට කැරට් අල පෙන්වා ඡන්ද කඩාගැනීමට ඔවුන් උත්සාහ දරණ බවයි.