පළාත් පාලන මැතිවරණයේ ඡන්ද විමසීම මාර්තු මස 19 වනදාට පෙර පවත්වා අවසන් කළ යුතු බව මැතිවරණ කොමසාරිස් සමන් ශ්රී රත්නායක පවසනවා.
ඔහු සඳහන් කළේ මෙවර මැතිවරණය ඇස්තමේන්තු කළ මුදලට වඩා අඩු වියදමකින් අවසන් කළ හැකි බවයි.
අද මාධ්ය වෙත අදහස් දක්වමින් මැතිවරණ කොමසාරිස්වරයා කියාසිටියේ මෙවර මැතිවරණය සඳහා යොදාගනු ලබන්නේ 2022 ඡන්ද හිමි නාමලේඛනය බවයි.
මැතිවරණ පනතේ පවතින නීති අනුව සියලු කටයුතු සිදුවන අතර නීතියෙන් නියෝගයක් ලැබෙන තෙක් මැතිවරණයට අදාළ කටයුතු සිදුකරන බව ද ඔහු සඳහන් කළා.
දැනට පවතින තත්වය මත වියදම සම්බන්ධයෙන් ඇස්තමේන්තු ගත කළ අතර ඒ අනුව, රුපියල් බිලියන 10ක මුදල් ප්රමාණය ප්රමාණවත් වනු ඇති බවයි සමන් ශ්රී රත්නායක මහතා කියාසිටියේ.
පසුදිය මැතිවරණයට රුපියල් බිලියන 8ක් ඇස්තමේන්තුගත කර තිබුණ ද එය කොවිඩ් -19 තත්ත්වය තුළ මිලියන 5.8කින් අවසන් කර ගැනීමට හැකිවූ බව ද මැතිවරණ කොමසාරිස්වරයා පෙන්වා දුන්නා.
