මාර්තු මාසයේ ලොව හොඳම ක්රිකට් ක්රීඩකයා තේරීමේ නාමයෝජනා අතරට ශ්රී ලංකා පිතිකරු කමිඳු මෙන්ඩිස් ඇතුළත් කර තිබෙනවා.
ජාත්යන්තර ක්රිකට් කවුන්සිලයේ නිල වෙබ් අඩවියේ මේ පිළිබඳව නිල වශයෙන් සඳහන් කර ඇති අතර ඔහුට අමතරව අයර්ලන්ත ක්රීඩක මාර්ක් ඇඩෙයාර් සහ නවසීලන්ත ක්රීඩක මැට් හෙන්රි ද මේ සදහා ඇතුළත්.
බංග්ලාදේශ කණ්ඩායමට එරෙහිව පැවති ටෙස්ට් තරගාවලියේදී ශ්රී ලංකාව වෙනුවෙන් කමිඳු මෙන්ඩිස් කැපීපෙනෙන දක්ෂතාවයන් රැසක් දැක්වූවා.
එහිදී ඔහු පළමු ටෙස්ට් තරගයේ ඉනිම් දෙකේදීම ශතක රැස්කළ අතර දෙවන තරගයේ පළමු ඉනිමේදී නොදැවී ලකුණු 92ක් ලබා ගත්තා.
එසේම තරගයේ ජයග්රහණය කරා යන ගමනේදී පන්දුවෙන් ද දස්කම් දැක්වූ ඔහු ලකුණු 32කට බංග්ලාදේශ කණ්ඩායමේ කඩුලු 3ක් දවාගත්තා.
මෙම සුවිශේෂී දක්ෂතා හේතුවෙන් බංග්ලාදේශයට එරෙහිව පැවති ටෙස්ට් තරගාවලියේ මෙන්ම තරගයේ වීරයා සම්මානය ද ඔහුටයි හිමිවුණේ.
