මහනුවර මහියංගණය ප්රධාන මාර්ගයේ වරාපිටිය ප්රදේශයේදී විශාල ගසක් මාර්ගයට කඩා වැටීමෙන් වාහන කිහිපයකට හානි සිදුවී පුද්ගලයන් 3 දෙනෙකු තුවාල ලබා තිබෙනවා.
වරාපිටිය බණ්ඩාරනායක ජාතික පාසල ආසන්න්නයේ තිබූ විශාල මාර ගසක් අද පස්වරු 4.30ට පමණ කඩා වැටී ඇති බවයි අප වාර්තාකරු සඳහන් කළේ.
මෙම අනතුරින් වාහන තුනකට හා වෙළඳසැලකට අලාභ හානි සිදුවී ඇති අතර පුද්ගලයින් තිදෙනෙකු තුවාල ලබා මහනුවර ජාතික රෝහලට ඇතුළත් කර තිබෙනවා.
තුවාල ලබා ඇත්තේ ගස කඩා වැටීමෙන් හානි වූ වෙළඳසල තුළ සිටි කාන්තාවක් ඇතුලු තුන් දෙනෙක්.
ගස කඩා වැටීමෙන් විදුලි රැහැන් පද්ධතියටද හානි සිදුව ඇති බවයි අප වාර්තාකරු සඳහන් කළේ.
අනතුර සිදුවන අවස්ථාවේ එම ස්ථානයෙන් ගිය වෑන් රථයකට දැඩි හානි සිදුව ඇති අතර එහි ගමන් ගත් අඹුසැමි යුවළක් හා ඔවුන් ගේ වයස අවුරුදු තුනක් වන දරුවාට කිසිදු හානියක් සිදුව නැහැ.
වර්ෂාව සමඟ ඇති වූ අධික සුළඟ සමඟ කඩා වැටී තිබෙන ගස වට අඩි 20 ක් පමණ වන දැවැන්ත එකක් බවයි ප්රදේශවාසීන් සඳහන් කළේ.
හරිම අගෙයි