නොච්චියාගම – රණෝරාව ප්රදේශයේ සිදු වූ රිය අනතුරකින් බාලවයස්කරුවන් දෙදෙනකු එම ස්ථානයේ දී ම ජීවිතක්ෂයට පත් ව තිබෙනවා.
මෙම අනතුර සිදු ව ඇත්තේ ඊයේ (16) පස්වරුවේ බස් රථයක් සහ යතුරුපැදියක් එකිනෙක ගැටීමෙන්.
අධික වේගයකින් පැමිණ ඇති යතුරුපැදිය සහ බස් රථය වංගුවක් ගැනීමේ දී මුහුණට මුහුණ ගැටී තිබෙනවා.
මෙම අනතුරින් ජීවිතක්ෂයට පත් ව ඇත්තේ 11 ශ්රේණියේ ඉගෙනුම ලබමින් සිටි 16 හැවිරිදි පිරිමි ළමුන් දෙදෙනෙක්.
මහනුවර සිට නොච්චියාගම බලා ධාවනය වූ බස් රථයක් ඊට ප්රතිවිරුද්ධ දෙසින් ආ මෙම යතුරුපැදියේ ගැටී තිබෙනවා.
මරණකරුවන් දෙදෙනා ම නොච්චියාගම – දොඹවල ගම විද්යා ප්රදීප විද්යාලයේ එකම පන්තියේ ඉගෙනුම ලබන අතර නමින් ඔවුන් මිලින්ද සම්පත් සහ කවිඳු මධුෂාන්.
එකම පවුලේ ඥාති සහෝදරයින් දෙදෙනකු ලෙසයි මරණකරුවන් ගැන තොරතුරු වාර්තා වන්නේ.
අනතුර සම්බන්ධයෙන් වැඩිදුර පරීක්ෂණ ගාලදිවුල්වැව පොලිසියේ රථවාහන අංශය විසින් සිදු කරනු ලබනවා.
wpDiscuz
