මඩකලපුව – කල්මුණේ ප්‍රධාන මාර්ගයේ සිදු වූ රිය අනතුරකින් පුද්ගලයින් තිදෙනෙකු බරපතළ තුවාල ලබා රෝහල්ගත කර තිබෙනවා.
දසත ප්‍රාදේශීය වාර්තාකරු පැවසුවේ මෙම අනතුර ඊයේ (09) රාත්‍රී කාලයේ දී සිදු ව ඇති බවයි.
මඩකලපුව – කල්මුණේ ප්‍රධාන මාර්ගයේ කාත්තාන්කුඩි පොලිස් වසමට අයත් ආරයම්පති – සෙල්වානගර් මධ්‍යම ප්‍රධාන මාර්ගයේ ත්‍රිරෝද රථයක් සහ යතුරුපැදියක් මුහුණට මුහුණ ලා ගැටීමෙනුයි මෙම අනතුර සිදු වුණේ.
යතුරුපැදියේ ගමන් ගත් දෙදෙනා සහ ත්‍රිරෝද රථයේ රියදුරා බරපතළ තුවාල ලබා ආරයම්පති දිසා රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා මඩකලපුව ශික්ෂණ රෝහල වෙත මාරුකර යවා තිබෙනවා.
අනතුර සම්බන්ධයෙන් කාත්තන්කුඩි රථවාහන පොලිසිය වැඩිදුර පරීක්ෂණ පවත්වනවා.
