පාර්ලිමේන්තු මහ මැතිවරණයට දින නියම වී තිබෙනවා.
ඒ අනුව ඊට අදාළ ගැසට් නිවේදනය ඊයේ (24) රාත්‍රියේ දී නිකුත් වූ අතර මහ මැතිවරණය නොවැම්බර් මස 14 වැනි දා පැවැත්වීමටයි තීරණය කර ඇත්තේ.
මේ සමග ම ඊයේ මධ්‍යම රාත්‍රියේ දී පාර්ලිමේන්තුව විසුරුවා හැරියා.
ජනාධිපති අනුර කුමාර දිසානායක මහතා විසින් තමන්ට ව්‍යවස්ථාවෙන් පැවරී ඇති බලතල ප්‍රකාරවයි පාර්ලිමේන්තුව විසුරුවා හරිනු ලැබුවේ.
පාර්ලිමේන්තුව විසුරුවා හැරීමෙන් පසුව එහි මහ මැතිවරණය පවත්වා පාර්ලිමේන්තුවට සාමාජිකයින් 225 දෙනා ආසන මට්ටමින් තෝරාගත යුතු වනවා.
ඊට අදාළ ව පවත්වන නාම යෝජනා භාර ගැනීම ඔක්තෝබර් මස 04 වැනි දින සිට ඔක්තෝබර් මස 11 වැනි දින දහවල් 12 තෙක් මැතිවරණ කොමිෂන් සභාවට කාලය ලැබෙනු ඇති.
නව පාර්ලිමේන්තුව නොවැම්බර් 21 වනදා රැස්වීමට නියමිත බවත් ගැසට් නිවේදනයේ දැක්වෙනවා.
