නොවැම්බර් මස 14 වැනි දින පැවැත්වීමට නියමිත පාර්ලිමේන්තු මහ මැතිවරණයට අදාළ ව මේ වනවිට විවිධ කොට්ඨාස යටතේ දේශපාලන පක්ෂ හා ස්වාධීන කණ්ඩායම් විසින් නාමයෝජනා සඳහා ඇප මුදල් තැන්පත් කිරීම සඳහා අවශ්ය ඇප මුදල් ප්රමාණය, තෝරාගත හැකි මන්ත්රීවරු සංඛ්යාව ආදිය පිළිබඳ ව විශේෂ නිවේදනයක් මැතිවරණ කොමිෂන් සභාව නිකුත් කර තිබෙනවා.
එම නිවේදනයේ දැක්වෙන්නේ 1981 අංක 1 දරන පාර්ලිමේන්තු මැතිවරණ පනතේ 16 වැනි වගන්තිය ප්රකාරව මෙම ඇප මුදල් අදාළ නියෝජිතයින් විසින් තැන්පත් කළ යුතු බවත්; එම වර්ගීකරණයන් හිමි ගන්වා ඇති බවයි.
ඒ අනුව මැතිවරණ කොට්ඨාස 22ක යටතේ ඒ ඒ ආසනවලින් තෝරා පත්කර ගත යුතු මන්ත්රීවරු සංඛ්යාව, නාමයෝජනා පත්රයකට ඇතුළත් විය යුතු අපේක්ෂයින් සංඛ්යාව සහ ස්වාධීන කණ්ඩායමක් විසින් තැන්පත් කරනු ලැබිය යුතු ඇප මුදල් ප්රමාණය සම්බන්ධයෙන් අදාළ නිවේදනය මගින් හුවා දක්වා තිබෙනවා.
වැඩිම මුදලක් හිමිව ඇත්තේ ගම්පහ මැතිවරණ කොට්ඨාසයටයි.
එය රුපියල් 44,000ක්. ඉන් පසුව කොළඹ 42,000ට සහ මහනුවර මැතිවරණ කොට්ඨාසයට ස්වාධීන කණ්ඩායම් හෝ දේශපාලන පක්ෂවලින් රුපියල් 30,000ක මුදලක් ඇප ලෙස තැබිය යුතු වනවා.
මැතිවරණ කොමිෂන් සභාව ඇප මුදල් ප්රමාණ ගැන නිකුත් කළ සම්පූර්ණ නිවේදනය පහතින්.
තව වැඩි කරන්න