අද පස්වරුවේ දී කළුතර නගර මධ්‍යයේ දී පුද්ගලයෙකුට කඩුවකින් පහර දී කපා කොටා බරපතල තුවාල සිදු කළ අපරාධකරු සොයා මේ වනවිට කළුතර දකුණු පොලිසිය විමර්ශන ආරම්භ කර තිබෙනවා.
අප ප්‍රාදේශීය වාර්තාකරු පැවසුවේ, දෙනෝ දහක් මිනිසුන් ගැවසෙන කළුතර නගර මධ්‍යයේ දී මෙම බිහිසුණු අපරාධය සිදු කර ඇති බවයි.
මෙලෙස කඩු පහර කෑ පුද්ගලයා නගර මධ්‍යයේ ලේ විලක් මැද වැටී සිටියදී මහජනතාව එක් ව එම පුද්ගලයා ව කළුතර නාගොඩ ශික්ෂණ රෝහලට ඇතුළත් කර තිබෙනවා.
නමුත් අප ප්‍රාදේශීය වාර්තාකරු පැවසුවේ එම පුද්ගලයාගේ තත්ත්වය බරපතළ බවයි.
කළුතර පොලිසිය ඉදිරිපිට දී යි මෙම පහරදීම සිදු කර ඇත්තේ.
පහරකෑමට ලක් වූ පුද්ගලයා තුවාල ලබා කළුතර දිස්ත්‍රික් ලේකම් කාර්‍යාලය දෙසට දිව ඒමේ දී සිහි විසඥව ඇද වැටී තිබෙනවා.
මෙතෙක් සිද්ධියට සම්බන්ධ අපරාධකරු අත්අඩංගුවට ගෙන නොමැති අතර, පොලිසිය සඳහන් කළේ ඊට අදාළ ව පුළුල් විමර්ශනයක් ආරක්ෂිත කැමරා දර්ශන උපයෝගී කරගනිමින් සිදු කරන බවයි.
wpDiscuz
