පවතින අයහපත් කාලගුණික තත්ත්වය හේතුවෙන් මහවැලි ගඟේ ජල මට්ටම ඉහළ යමින් පවතිනවා.
මේ හේතුවෙන් පේරාදෙණිය විශ්වවිද්යාලයේ සිසු සිසුවියන්ට ගංවතුර පිළිබඳව දැඩි අවධානයෙන් පසුවන ලෙස එහි උපකුලපති මහාචාර්ය ටෙරන්ස් මධුජිත් විශේෂ දැනුම්දීමක් කර තිබෙනවා.
මහවැලි ගංද්රෝණියේ පිහිටා ඇති සරසවි නේවාසිකාගාරවල වෙසෙන සිසු සිසුවියන් පවතින අවදානම් තත්ත්වය හමුවේ සිදුවිය හැකි ආපදා වළක්වා ගැනීම සඳහා විමසිලිමත්ව සිටිය යුතු බවයි උපකුලපතිවරයා දැනුම් දෙන්නේ.
ඊයේ (02) රාත්රියේ ඇද හැලෙන වර්ෂාව හේතුවෙන් මහවැලි ගඟේ ජල මට්ටම මෙලෙස ඉහළ ගොස් ඇති අතර ජල මට්ටම ඉහළ යාමත් සමඟ පේරාදෙණිය “කළු පාලම” අසල පිහිටි පාලම් ප්රතිසංස්කරණ වැඩබිම ද ජලයෙන් යට වී ඇති බව දසත නිවුස් වාර්තාකරු පැවසුවා.
