මහනුවර ශ්‍රී දළදා මාළිගාවේ ඓතිහාසික ඇසළ පෙරහැර මංගල්‍යයේ පළමු කුඹල් පෙරහැර අද (18) රාත්‍රීයේ වීදී සංචාරය කෙරෙනවා.
අද (18) සිට එළඹෙන 22 දින දක්වා කුඹල් පෙරහැර වීථී සංචාරය කෙරෙන අතර, 23 වනදා සිට 27 වනදා දක්වා රන්දෝලි පෙරහැරද වීථී සංචාරය කිරීමට නියමිතයි.
පළමු කුඹල් පෙරහැර, අද (18) පස්වරු 06.52ට යෙදෙන සුබ මොහොතින් ශ්‍රී දළඳා මාලිගාවෙන් ආරම්භ වී, දළඳා වීදිය, කොළඹ වීදිය, යටිනුවර වීදිය රජ වීදිය ඔස්සේ ගමන් කර නැවත ශ්‍රී දළඳා මාලිගාවට ගෙවදීමට නියමිතයි.
පළමු කුඹල් පෙරහැර දැක ගැනීමට මේ වනවිටත් ජනතාව මහනුවර වීදිවලට පැමිණෙමින් සිටින බවයි වාර්තා වන්නේ.
මේ අතර පෙරහැර පවත්වන කාල සීමාව තුළ මහනුවර නගරය ආශ්‍රිතව විශේෂ ආරක්ෂක සහ රථවාහන සැලැස්මක් ක්‍රියාත්මක බව පොලිසිය සඳහන් කළා.
ඒ අනුව මෙවර පෙරහැර ආරක්ෂක රාජකාරි සඳහා පොලිස් නිලධාරින් 6,200ක් සහ විශේෂ කාර්ය බලකායේ නිලධාරින් 564 දෙනෙකු යොදවා තිබෙනවා.
මේ අතර ඇසළ පෙරහැර මංගල්‍ය නැරඹීමට පැමිණෙන බැතිමතුන් වෙනුවෙන් ශ්‍රී ලංකා පොලිසියෙන් 081 22 33 333 යන හදිසි ඇමතුම් අංකය හඳුන්වා දී තිබනවා.
එමෙන්ම ඇසළ පෙරහැර මංගල්‍ය සම්බන්ධයෙන් මහජනතාවට අවශ්‍ය තොරතුරු පහසුවෙන් ලබාගැනීම සඳහා විශේෂ තොරතුරු කළමනාකරණ පද්ධතියක් ද පොලීසිය විසින්
ශ්‍රී ලංකා පොලීසියේ නිල වෙබ් අඩවිය වන www.police.lk වෙත පිවිස “මහනුවර ඇසළ පෙරහර” යන සබැඳිය තේරීමෙන් එම පද්ධතියට පිවිසිය හැකියි.
