මහනුවර ඓතිහාසික ශ්‍රී දළදා මාළිගාවේ ඇසළ පෙරහැර මංගල්‍යයේ කප් සිටුවීම මේ මස 25 වනදාට යෙදෙන සුබ මොහොතින් සිදුකිරීමට නියමතයි.
අනතුරුව කුඹල් පෙරහැර ජුලි මස 30 වනදා ආරම්භ වන අතර, එදින සිට දින 10ක කාලයක් කුඹල් පෙරහැර සහ රන්දෝලි පෙරහර වීථි සංචාරය කිරීමට නියමිතව තිබෙනවා.
මේ අතර ඇසළ පෙරහැර මංගල්‍යයේ ආලෝකකරණය සඳහා ශ්‍රී ලංකා යුද හමුදාව මඟින් වාර්ෂිකව සිදුකරන කොප්පරා පූජාව මෙවර ද යුද හමුදාපති ලුතිනන් ජෙනරාල් ලසන්ත රොද්‍රිගොගේ ප්‍රධානත්වයෙන් අද (17) උදෑසන සිදු කෙරුණා.
ඒ, අනුව මෙහිදී බෝයගන විජයබාහු පාබල රෙජිමේන්තුව මඟින් නිෂ්පාදනය කළ කොප්පරා ටොන් 06ක් පූජා කිරීම මෙහිදී සිදුකළා.
මෙහිදී අදහස් පළ කළ යුද හමුදාපතිවරයා කියා සිටියේ මෙවර නුවර ඇසළ පෙරහැර මංගල්‍යයේ ආරක්ෂක කටයුතු උදෙසා යුද හමුදාවේ විශේෂ දායකත්වයක් ලබාදෙන බවයි.
