ලෝක බුද්ධිමය දේපළ සංවිධානයේ (World Intellectual Property Organization WIPO) සංවර්ධන හා බුද්ධිමය දේපළ පිළිබඳ කමිටුව විසින් ‘බුද්ධිමය දේපළ හරහා උත්සව සංචාරක සංවර්ධනය ප්රවර්ධනය කිරීම’ නමින් ව්යාපෘතියක් ආරම්භ කර තිබෙනවා.
දේශීය සම්ප්රදායයන් සහ සංස්කෘතික උරුමයන්ට ගරු කරමින්, උත්සව සංචාරක සංවර්ධනය කිරීම සඳහා බුද්ධිමය දේපළ අයිතිවාසිකම් භාවිත කිරීම පිණිස ප්රතිලාභී රටවල සංස්කෘතික උත්සව සංවිධායකයින්ගේ ධාරිතාව වර්ධනය කිරීම එම ව්යාපෘතියේ අරමුණ වනවා.
සියවස් ගණනාවක් පුරා පාරම්පරිකව සම්ප්රේෂණය වූ සම්ප්රදායික කලා ආකෘතීන්ගෙන් හා දැනුමෙන් සමන්විත මහනුවර ඇසළ පෙරහැර හා සම්බන්ධ ඓතිහාසික, සංස්කෘතික සහ සම්ප්රදායික දේපළ අයිතිවාසිකම් ආරක්ෂා කිරීමේ ව්යාපෘති යෝජනාවක්, ‘බුද්ධිමය දේපළ හරහා උත්සව සංචාරක සංවර්ධනය ප්රවර්ධනය කිරීමේ ව්යාපෘතිය’ වෙත ඉදිරිපත් කිරීමේ යෝග්යතාව හඳුනාගනු ලැබ තිබෙනවා.
ඒ අනුව, ‘ප්රකාශන හිමිකම ආරක්ෂාව’ සහ ‘ වෙළෙඳ ලකුණු සහ සන්නාම කරණය’ යන ක්ෂේත්රයන් කෙරෙහි විශේෂ අවධානය යොමු කරමින් මහනුවර ඇසළ පෙරහැරේ ඓතිහාසික, සංස්කෘතික හා සාම්ප්රදායික අනන්යතාව හා වටිනාකම්වල බුද්ධිමය දේපළ හිමිකම් ආරක්ෂා කිරීමට හැකි වන පරිදි අදාළ ව්යාපෘති යෝජනාව සකස් කර ඉදිරිපත් කිරීම සඳහා වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්යතුමාගේ සහ බුද්ධ ශාසන, ආගමික සහ සංස්කෘතික කටයුතු අමාත්යතුමාගේ සම – සභාපතිත්වය යටතේ අදාළ සියලු පාර්ශ්වයන්ගෙන් සමන්විත කමිටුවක් පත් කිරීම පිණිස වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
