විදෙස් රටක ණය ගෙවීමකට අදාළව මහා භාණ්ඩාගාරයේ ඩොලර් මිලියන 2.5ක මුදල සොරකම්කර ඇති බවත්, එම සොරකම සම්බන්ධයෙන් වගකිව යුත්තේ ජනාධිපති අනුර කුමාර දිසානායක බවත්, හිටපු පාර්ලිමේන්තු මන්ත්රී තිස්සකුට්ටි ආරච්චි පවසනවා.
අද (24) පැවති මාධ්ය හමුවකදී ඔහු මේ බව සඳහන් කළා.
මුදල් අමාත්යංශයේ ලේකම්වරයා පත්කිරීම ඇතුළු අදාළ පත්වීම් සියල්ල සිදු කරනු ලැබුවේ ජනාධිපතිවරයා වන නිසාවෙන් එම පත්වීම් සම්බන්ධයෙන් වගකීම සහ වගවීම පැවරෙන්නේ ජනාධිපතිවරයාට බවයි තිස්සකුට්ටි ආරච්චි කියා සිටියේ.
පොහොට්ටුවේ ආණ්ඩුවක් තුළ මෙම සිද්ධියට ජනාධිපතිවරයා සම්බන්ධ වීම පිළිබද පරීක්ෂණ පැවැත්වීමෙන් අනතුරුව, මහජන මුදල් මංකොල්ල කෑමට ජනාධිපතිවරයා සම්බන්ධ නම් ඔහුට එරෙහිව දඬුවම් ලබාදෙන බවත් හිටපු පාර්ලිමේන්තු මන්ත්රීවරයා වැඩිදුරටත් පවසා සිටියා.
”මෙම සිද්ධියට සම්බන්ධ වීම ගැන පරීක්ෂණ කරලා, ජනතාවගේ මුදල් මහ දවල් මංකොල්ල කෑමට සම්බන්ධ වෙලා තියෙනවා නම් අපේ ආණ්ඩුවක් තුළ මේ ජනාධිපතිවරයාට දඬුවම් දීමේ වැඩපිළිවෙලේ අපි ඉන්නවා” යැයි ඔහු කියා සිටියා.
