මහජන ආරක්ෂක අමාත්‍ය ආනන්ද විජේපාල අද (15) පෙරවරුවේ මීගමුව,දළුපොත, පල්ලන්සේන බන්ධනාගාරය වෙත පැමිණියා.
බන්ධනාගාරය වෙත පැමිණි අමාත්‍යවරයා ඒ තුළ රඳවා සිටින රැඳවියන් සමඟ ඔවුන්ගේ ගැටළු පිළිබඳව සෘජුව සාකච්ඡා කර තිබෙනවා.
අමාත්‍යවරයා රැඳවියන්ගේ වාට්ටු තුළට ගොස් ඔවුනේ අඩුපාඩු සහ ගැටළු පිළිබඳව සොයා ලබා ඇති බවයි වාර්තා වුණේ .
රස පරීක්ෂක වාර්තා කඩිනම් කර ඔවුන්ව අධිකරණ ඉදිරිපත් කර ලෙස එහිදී එම රැඳවියන්ගේ ප්‍රධානතම ඉල්ලීම බවට පත් වූ බවයි අමාත්‍යවරයා මාධ්‍ය වෙත අදහස් දක්වමින් සඳහන් කළේ.
ඒ, අනුව ප්‍රමාද වී ඇති රස පරීක්ෂක වාර්තා 9,000ක් මේ මාසය තුළ දී අවසන් කර අධිකරණයන් වෙත ලබාදීමට කටයුතු කරන බවත් ඔහු මෙහිදී වැඩිදුරටත් පවසා සිටියා.
මේ අතර අධිකරණ අමාත්‍ය හර්ෂණ නානායක්කාර ඉදිරි දින කිහිපය තුළ දිවයින පුරා ඇති බන්ධනාගාර වෙත ගොස් ඒවායේ ඇති ගැටළු පිළිබඳව සොයාබැලීමට කටයුතු කරන බවත් මහජන ආරක්ෂක අමාත්‍ය ආනන්ද විජේපාල මෙහිදී පැවසුවා.
“අද දින පල්ලන්සේන බන්ධනාගාර පැමිණියේ විශේෂයෙන් බන්ධනාගාර කමිටුවක් පිහිටුවන්නයි. මීට දින කිහිපයකට කලින් ජනාධිපතිවරයාගේ ප්‍රධානත්වයෙන් , අධිකරණ ඇමතිවරයා සහ මං ඇතුළු පිරිසක් සාකච්ඡාවක් පැවැත්වුවා. එහිදී අපි සාකච්ඡා කලේ ලංකාවේ බන්ධනාගාර තිස් තුනේම රැඳවියන්ගේ ජීවිත ආරක්ෂා කරන්නේ කොහොමද කියලා. එකට අපි අද කමිටුවක් හදනවා හදිසි අවස්ථාවකදී ක්‍රියාත්මක වෙන්න පුළුවන් කමිටුක් හදන එක. මෙහි ප්‍රධාන අරමුණ සිරකරුවන්ගේ ජීවිත සුරක්ෂිත කරන එක. බන්ධනාගාර තුළ අධික තදබදය වැඩියි. අපි ඒක පිළිගන්නවා.ඒ සම්බන්ධයෙන් අධිකරණ ඇමතිවරයා සැලසුමක් හදලා තියනවා. ජනාධිපතිවරයාගේ ප්‍රධානත්වයෙන් මේ මාසය තුළ රස පරීක්ෂක වාර්තා 9000 ලබාගෙන ඒවා අධිකරණ වෙත ලබා දෙන්න සියලු කටයුතු හදලා තියනවා. එය ප්‍රමාණවත් නොවන නිසා තමයි අපි සෘජුවම මේ අය රඳවලා තියන වාට්ටු වලට ගියේ සාකච්ඡා කරන්න. අපි අද පල්ලන්සේන බන්ධනාගාරය තුළ ඉන්න අය එක්ක කතා කරා. ඒ අයගේ ගැටලු අපි කතා කරා. ආහාර, සනීපාරක්ෂාව ගැන අපි හොයලා බැලුවා. එයාලා ඉල්ලන්නේ රස පරීක්ෂක වාර්තා කඩිනම් කරන්න කියලා. අපි ඉදිරි දින වලදිත් යනවා බන්ධනාගාර නිරීක්ෂනය කරන්න. පුළුවන් තරම් ඉක්මනින් මේ අය අධිකරණ ඉදිරිපත් කරලා සමාජයේ පුරවැසියන් කරන්න බලාපොරොත්තු වෙනවා. නිලධාරීන්ගේ ගැටලු ගැනත් අපි සාකච්ඡා කරනවා. බන්ධනාගාර රෝහල ගැනත් අපි සොයලා බැලුවා. රැඳවියන් සමග හොඳ සබඳතාවක් ගොඩ නැගුනා. රැදවියන් පැසසුවා අධිකරණ ඇමතිවරයාගේ වැඩ පිළිවෙල ගැන. එළියේ විවධ අය කියන අය කතා ගැනත් අපි විමර්ශනය කරනවා. රැඳවියන්ගේ පවුල්වල අයත් පීඩාවට පත්නොවන ආකාරය අපි වැඩ කරනවා. ආයේ ගැටලු ඇති වෙන්නැ බන්ධනාගාර තුළ අපි ඒ හැමදේම හරිගස්සලා තියෙන්නේ දැන්”
