මන්නාරම සිලාවතුර ප්රදේශයෙන් ධීවර කටයුතු සඳහා පිටත්ව ගොස් අතුරුදන්ව සිටි ධීවරයන් දෙදෙනෙකු නාවික හමුදාව විසින් සොයාගෙන තිබෙනවා.
අවුරුදු 19 සහ 23 වයස්වල පසුවන තරුණයන් දෙදෙනෙක් පසුගිය 23 වනදා මසුන් ඇල්ලීම සඳහා පිටත්ව ගොස් තිබූ අතර ආපසු නොපැමිණීම හේතුවෙනුයි ඥාතීන් පොලිසියට දැනුම්දී ඇත්තේ.
අනතුරුව පොලිසිය මේ සම්බන්ධයෙන් නාවික හමුදාව දැනුවත් කර අතුරුදන් වූ ධීවරයන් දෙදෙනා සෙවීම ආරම්භ කර තිබෙනවා.
දින කිහිපයක් පුරා සිදු කළ සෝදිසි මෙහෙයුම්වලදී ධීවරයන් දෙදෙනා රැගත් යාත්රාව කල්පිටිය මුහුදට නුදුරුරින් වූ මුහුදු තීරයේ පාවෙමින් සිටියදී නාවික හමුදාව විසින් සොයාගනු ලැබුවා.
සිලාවතුර මුහුදු ප්රදේශයෙන් ඔබ්බට මසුන් ඇල්ලීමට ගිය අවස්ථාවේ යාත්රාවේ එංජිමේ ඇතිවූ කාර්මික දෝශයක් හේතුවෙන් එය පණගැන්වීමට නොහැකිව දින දෙකකට වැඩි කාලයක් මුහුදේ පාවෙමින් සිටි බවටයි ධීවරයන් ප්රකාශකර ඇත්තේ.
ඔවුන් දෙදෙනා යහපත් සෞඛ්ය තත්ත්වයෙන් පසුවන අතර ධීවරයන් දෙදෙනාගේ සුවදුක් විමසීම සඳහා පාර්ලිමේන්තු මන්ත්රී සෙල්වම් අඩෙයික්කලනාදන් ද ඔවුන්ගේ නිවෙස්වලට පැමිණ තිබුණා.
