කොළඹ ස්ථිර ත්රිපුද්ගල මහාධිකරණය විසින් තමාට පැනවූ මරණ දඬුවමට එරෙහිව හිටපු පොලිස්පති පූජිත් ජයසුන්දර විසින් අභියාචනයක් ඉදිරිපත් කරන බව ඔහුගේ නීතිඥයින් පවසනවා.
පූජිත් ජයසුන්දර මේ වනවිට රඳවා සිටින වැලිකඩ බන්ධනාගාරයට ඔහු වෙනුවෙන් පෙනී සිටින නීතිඥ රොෂාන් දෙහිවල
අද (01) දිනයේ පැමිණි අවස්ථාවේ දී මේ බව සඳහන් කර සිටියා.
ඒ, අනුව එළඹෙන සතිය තුළ දී මෙම අභියාචනාව ශ්රේෂ්ඨාධිකරණය වෙත ඉදිරිපත් කිරීමට බලාපොරොත්තුවන බවයි ඔහු පැවසුවේ.
නීතිඥවරයා එහිදී වැඩිදුරටත් අදහස් දක්වමින් පැවසුවේ මරණ දඬුවම හිමි වූ හිටපු පූජිත් ජයසුන්දරට දින 28ක කාලයක් ඇපෑලක් අයදුම් කිරීමට අවස්ථාව පවතින බවයි.
මේ අතර පූජිත් ජයසුන්දරගේ සෞඛ්ය තත්ත්වය සම්බන්ධයෙන් ද මාධ්යවේදීන් මෙහිදී ප්රශ්නකර සිටියා.
එහිදී නීතිඥවරයා පැවසුවේ හිටපු පොලිස්පති පූජිත් ජයසුන්දර මේ වනවිට යහපත් සෞඛ්ය තත්ත්වයෙන් පසුවන බවයි.
