කෑගල්ල පොලිස් වසමේ කොළඹ – මහනුවර ප්රධාන මාර්ගයේ කිලෝමීටර් 83 කණුව ආසන්නයේ මොලගොඩ ප්රදේශයේ දී සිදු වූ රිය අනතුරකින් මාර්ගය හරහා ගමන් කළ පදිකයෙකු ගැටී ජීවිතක්ෂයට පත් වුණා.
මෙම අනතුර පසුගිය 04 වැනිදා සිදු වූ බවත් මරණකරුගේ මෘත ශරීරය කෑගල්ල රෝහලේ මෘත ශරීරාගාරයේ තැන්පත් කර සති දෙකක් ගත වුව ද කිසිවෙකු එය භාර ගැනීමට පැමිණ නොමැති බවයි වාර්තා වන්නේ.
එබැවින් පොලිස් මාධ්ය ප්රකාශක කාර්යාලය නිවේදනයක් නිකුත් කරමින් ඉල්ලා සිටින්නේ මරණකරු හඳුනාගැනීමට මහජන සහාය අවශ්ය බවයි.
උසින් අඩි 05යි අගල් 03ක් පමණ වන තලෙළු, සිහින් සිරුරක් සහිත, හිසේ ඉදිරිපස තට්ටය පෑදුණු, හිසේ පසුපස කොටසේ අඟලක් පමණ දිගට කොණ්ඩය වැවුණු, දකුණු ඇහිබැමට ඉහළින් නළලේ සුව වූ රවුම් හැඩැති තුවාල කැළලක් සහිත පුද්ගලයෙක් මෙසේ මියගොස් තිබෙනවා.
එමෙන්ම ඔහු අවසන් වරට සුදු පැහැති අත් කොට කමීසයක් සහ රතු සහ නිල් පැහැති ඉරි සහිත සරමක් හැඳ සිටි බවයි පොලිසිය නිකුත් කළ නිවේදනයේ දැක්වෙන්නේ.
මේ සම්බන්ධයෙන් තොරතුරක් දන්නේ නම්; 071-8591413 දරන කෑගල්ල පොලිස් ස්ථානාධිපතිවරයාගේ දූරකථන අංකයට හෝ 035-2222222 දරන කෑගල්ල පොලිස් ස්ථානයට හෝ දැනුම්දෙන ලෙසටයි පොලිසිය ඉල්ලා සිටින්නේ.
