මෙරට සහ ජාත්යන්තර අපරාධ ගණනාවකට සම්බන්ධ ප්රබල අපරාධ කල්ලි සාමාජිකයින් දෙදෙනකු අද (12) මෙරටට රැගෙනවිත් තිබෙනවා.
මහජන ආරක්ෂක අමාත්යාංශය පවසන්නේ; මෙම සැකකරුවන් ව දීර්ඝ කාලයක සිට අත් අඩංගුවට ගැනීමට රතු වරෙන්තු නිකුත් ව සිටි අය බවයි.
මෙම අපරාධකරුවන් ව ඩුබායි රාජ්යයේ පොලිසිය විසින් අත් අඩංගුවට ගනු ලැබුවා.
පසුව සිදු කරන ලද ප්රශ්න කිරීම්වලදී හෙළි ව ඇත්තේ මෙම අපරාධකරුවන් මනුෂ්ය ඝාතන රැසකට සහ නීතිවිරෝධී ක්රියා කිහිපයකට ශ්රී ලංකා පොලිසිය අත්යවශ්ය කර සිටි සැකකරුවන් බවයි.
නමින් කේ. දිමුතු චතුරංග සහ දිනේෂ් ෂර්මන් නමැති මොවුන් දෙදෙනාගේ වයස අවුරුදු 26ක් සහ 48ක් බවත් සඳහන්.
ඩුබායි අපරාධ පරීක්ෂණ දෙපාර්තමේන්තුව විසින් සැකකරුවන් ව අත්අඩංගුවට ගෙන අද අලුයම ශ්රී ලංකාවට රැගෙන ආ බව මහජන ආරක්ෂක අමාත්ය ටිරාන් අලස් පවසනවා.
