මන්නාරම සිට කොළඹ බලා ගමන් කරමින් තිබූ සුඛෝපභෝගී මගී ප්‍රවාහන බස් රථයක් මදුරන්කුලිය 10 කණුව ප්‍රදේශයේ දී මාර්ගයෙන් ඉවතට පැන පෙරළී ගොස් තිබෙනවා.
මෙම බස් රථය වෙනත් වාහනයක් පසු කර යාමට උත්සහ කිරීමේදී එකවර ම මාර්ගයෙන් ඉවතට පැන පෙරළී ගොස් ඇති බවයි අප වාර්තාකරු සඳහන් කළේ.
කෙසේවෙතත් එහි ගමන් කළ මගීන් කිසිවකුටත් අනතුරක් සිදුවී නැහැ.
බස් රථය පෙරළි යාමෙන් පසු එහි ගමන් කරමින් සිටි මගීන් 30 කට ආසන්න පිරිස මහත් වෙහෙසක් දරා බස් රථයෙන් පිටතට පැමිණ තිබෙනවා.
බස් රථය දොඹකාර ආධාරයෙන් නැවත මාර්ගයට ගැනීමට කටයුතු කෙරෙමින් පවතින අතර මදුරන්කුලිය පොලිසිය විමර්ශන සිදු කරනවා.
