පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීම දේශපාලනික නාඩගමක් වන අතර එය දේශපානය වෛරය නිර්මාණය කිරීමේ වැඩපිළිවෙළක් නිර්මාණය කර ඇති බව සමගි ජන බලවේගයේ පාර්ලිමේන්තු මන්ත්‍රී චමින්ද විජේසිරි පවසනවා.
ඔහු මේ බව සඳහන් කර සිටියේ අද (17) පෙරවරුවේ මාධ්‍ය හමුවකදී අදහස් දක්වමින්.
ජනවරම ලබා ගැනීමේ දී ආණ්ඩුව විසින් වැඩි වශයෙන් අසත්‍ය පවසා සිටි අතර පාර්ලිමේන්තු මන්ත්‍රී වැටුප නොගැනීම, විදුලි බිල අඩු කිරීම, ඖෂධ සඳහා පවතින Vat බදු අඩු කිරීම වැනි අසත්‍ය රැසක් ජනවරම ලබා ගැනීමේ වත්මන් ආණ්ඩුව විසින් පවසා සිටි බවත් ඔහු වැඩිදුරටත් අදහස් දක්වමින් කියා සිටියා.
