පාර්ලිමේන්තු මන්ත්‍රී උදය ගම්මන්පිල ඇතුලු පිරිසක් අකිල ඉලංකෙයි තමිල් කොන්ග්‍රසයේ පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම්ගේ නිවස ඉදිරිපිට අද විරෝධතාවක නිරතවුණා.
ඒ මන්ත්‍රීවරයා ජාතිවාදය ඇති කරන බවට චෝදනා කරමින්.
අප වාර්තාකරුවන් සඳහන් කළේ මෙම ස්ථානයේ විරෝධතා කිරීම වළක්වාලමින් පොලිසිය අධිකරණ නියෝගයක් ද ලබාගෙන තිබූ බවයි.
පොලිසිය විසින් විරෝධතා පා ගමනේ පැමිණි පිරිස මන්ත්‍රීවරයාගේ නිවසට මීටර් 20ක් පමණ දුරින් නතර කරනු ලැබූ අතර එම ස්ථානයේ ආරක්ෂාව සඳහා පොලිස් කැරළි මර්දන ඒකකය, පොලිස් විශේෂ කාර්ය බලකාය සහ ගුවන් හමුදාව නිලධාරීන් ද කැඳවා තිබුණා.
පැයකට ආසන්න කාලයක් විරෝධතාවයේ නිරත වූ පිරිස පසුව විසිර ගිය බව සඳහන්.
