මඩකලපුව සිට කොළඹ බලා ධාවනය වෙමින් තිබූ දුම්රියට මනම්පිටිය ප්රදේශයේ දී අද (03) උදෑසන වන අලියෙක් ගැටී තිබෙනවා.
මනම්පිටිය වනජීවී කාර්යාලය සඳහන් කළේ දුම්රියේ ගැටුණු අලියාගේ තත්ත්වය අසාධ්ය බවයි.
සෝමාවතිය වනෝද්යානයේ සිට ජලගැලීම් නිම්න ජාතික වනෝද්යානයට යාමට දුම්රිය මාර්ගය හරහා මාරුවෙමින් සිටි වන අලියෙක් මෙලෙස දුම්රියේ ගැටී තිබෙනවා.
මෙලෙස අනතුරට ලක්ව ඇත්තේ අවුරුදු 25ක් පමණ වයසැති පිරිමි සතෙක් බවයි මනම්පිටිය වනජීවී කාර්යාලයේ නිලධාරීන් සඳහන් කළේ.
වන අලියා දුම්රියට ගැටීමෙන් පසු මීටර් 20ක් පමණ ඉදිරියට ඇදී ගොස් ඇති අතර, අනතුරෙන් දුම්රිය මාර්ගයේ සිල්පර කොට කීපයකට හානි සිදුව තිබෙනවා.
අසාධ්ය තත්ත්වයේ පසුවන වන එම සත්වයාට ප්රතිකාර කිරීම සඳහා ගිරිතලේ වනජීවී පශු වෛද්යවරයා ඇතුළු වනජීවී නිලධාරී කණ්ඩායමක් එම ස්ථානයට පැමිණීමට නියමිත බවයි අප වාර්තාකරු සඳහන් කළේ.
